హోమ్ » వార్తలు » ఉయ్యాలతాడే ఉరితాడయింది…

ఉయ్యాలతాడే ఉరితాడయింది…

కడప: ఉయ్యాల తాడు ఓ చిన్నారి పాలిట ఉరితాడయింది. ఉయ్యాల ఊగుతుండగా ప్రమాదవశాత్తూ ఆ తాడు మెడకు బిగుసుకుని ఓ చిన్నారి ప్రాణాలు కోల్పోయిన సంఘటన కడప నగరంలో గురువారం మధ్యాహ్నం చోటుచేసుకుంది.

మరియపురానికి చెందిన నయోమి(10) అనే బాలిక గురువారం మధ్యాహ్నం స్కూలు నుంచి ఇంటికి వచ్చి ఊయల ఊగుతుండగా ప్రమాదవశాత్తు ఊయల తాడు ఆ బాలిక గొంతుకు బిగుసుకుంది. దాని నుంచి బైట పడేందుకు చిన్నారి చేసిన ప్రయత్నం ఫలించక ఊపిరాడక మృతి చెందింది. ఆ సమయంలో ఇంట్లో ఎవరు లేకపోవటంతో బాలికను ఎవరూ రక్షించలేకపోయారు.

ఇటువంటి ఘటనలు ఆయా కుటుంబాలలో విషాదాన్ని మిగులుస్తాయి. తల్లిదండ్రులు ఇంట్లో లేని సమయాలలో ఇటువంటి ఉయ్యాలలు అవీ పిల్లలకు అందుబాటులో లేకుండా తగిన జాగ్రత్తలు తీసుకోవడం మంచిది.

Leave a Reply

Your email address will not be published. Required fields are marked *

CAPTCHA * Time limit is exhausted. Please reload CAPTCHA.

error: