హోమ్ » సాహిత్యం » పాటలు » కొత్తసీమ (పాట) – సడ్లపల్లె చిదంబరరెడ్డి

కొత్తసీమ (పాట) – సడ్లపల్లె చిదంబరరెడ్డి

చర్న కోల ఏదిరా-బండిగుజ్జ వెదకరా
వడిశెలా చెల్లెమ్మా-మొద్దొ పరక తీయమ్మా //చర్న//

వాడెవడో నిజాముగాడు
మననమ్మెనంట తెల్లోనికి
ఇంకెవడో ఖద్దరోడు
ముక్కలుగా నరికెనంట.

అరవ నాడులో చేతులు
కన్నడ దేశాన తలా
మొండెమే మనమిప్పుడు
వంచించ బడిన బిడ్డలం //చర్న//

రాజుల కాలం కాదిది- రజకీయ నక్కలార
ప్రజల మాట ఆలకించి -పోరాడుదాము రండి
సరహద్దుల గీతగీచి -మాసంస్కృతినే చంపినారు
కుటుంబాన్ని విడగొట్టి- కుర్చిలాట ఆడినారు //చర్న//

లేవండీ కదలండీ- చలిచీమల దండులాగ
పాముల పన్నాగాలా- పడగనీడ వదలండి
విడిపోయిన సీమజాతి-కలిపేసే కలలుగంటు
“కొత్తసీమ” ఆయుధంతో వీరులార పోరండి //చర్న//

ఇదీ చదవండి!

రాయలసీమ జీవన్మరణ సమస్య

ఇది రాయలసీమ జీవన్మరణ సమస్య

ఇది రాయలసీమ జీవన్మరణ సమస్య రెండు తెలుగు రాష్ట్రాలు కృష్ణా జలాల వినియోగంలో సమస్యలు రాకుండా ఉండడానికి కేంద్ర ప్రభుత్వం …

Leave a Reply

Your email address will not be published. Required fields are marked *

CAPTCHA * Time limit is exhausted. Please reload CAPTCHA.

error: