హోమ్ » సాహిత్యం » కవితలు » గుండ్రాళ్ళసీమకు దారి తప్పి వచ్చావా? (కవిత)
vinakamayya

గుండ్రాళ్ళసీమకు దారి తప్పి వచ్చావా? (కవిత)

ఎరక్కపోయి వచ్చి ఇరుక్కుపోయావా?
గణనాయకా ఈ అభాగ్యుల క్షమించు..!
ఉండ్రాళ్ళు తినే ఓ బొజ్జ గణపయ్యా..!
గుండ్రాళ్ళసీమకు దారి తప్పి వచ్చావా?

మా గుండె చప్పుళ్ళన్నీ ఆర్తనాదాలై
అధికారాన్ని అంధత్వం ఆవరించినవేళ
కన్నీళ్ళే ఇంకిపోయిన ఈ సీమలో
నిమజ్జనానికి మాత్రం నీళ్ళీక్కడివి?

ఆప్యాయతలకూ అనురాగాలకూ
కొదువలేని ఈ రాయలసీమలో
ఎండిన చెరువులూ, బావులూ
గుండెలు బాదుకునే జీవులూ
ఎడారిలో ఎండమావులై
తడారిపోయిన గొంతులతో
ఆకాశం దిక్కు ఆశగా చూస్తూ
ఆశ సచ్చి అంతమై పోతున్నారెందరో!

చదవండి :  నవ వసంతం (కథ) - తవ్వా ఓబుల్ రెడ్డి

గుక్కెడు నీళ్ళకు మొహం వాచి
గుక్కపెట్టి గీపెడుతున్నోళ్ళం!
పిడికెడు గింజలు పండని అన్నార్తులం
మునకెడు జలాలు ఎక్కడ త్యాగలం ?
గణనాయకా ఈ అభాగ్యుల క్షమించు..!
వినాయకా ఈ నేతల కళ్ళు తెరిపించు!

-తవ్వా ఓబుల్ రెడ్డి

ఇదీ చదవండి!

రాయలసీమ వైభవం

రాయలసీమ వైభవం – Rayalaseema Vaibhavam

‘రాయలసీమ వైభవం’ – రాయలసీమ ఉత్సవాల సావనీర్ . సంపాదకత్వం: తవ్వా ఓబుల్ రెడ్డి, ప్రచురణ : రాయలసీమ ఆర్ట్ …

Leave a Reply

Your email address will not be published. Required fields are marked *

CAPTCHA * Time limit is exhausted. Please reload CAPTCHA.

error: