హోమ్ » వార్తలు » గండికోటలో మళ్ళా చిరుత పులి పంజా విసిరింది

గండికోటలో మళ్ళా చిరుత పులి పంజా విసిరింది

గండికోట: గండికోటలో మళ్ళా చిరుత పులి పంజా విసిరింది. కోట పరిసరాల్లో తిరుగుతూ గత కొద్దినెలలుగా ఎటువంటి దాడులూ చేయకుండా నిశ్శబ్దంగా ఉండిన చిరుతపులి(లు) శుక్రవారం తెల్లవారుజామున దాడి చేసి ఎనిమిది గొర్రెలను చంపింది. చిరుత సంచారం స్థానికులకు కంటిమీద కునుకు లేకుండా చేస్తోంది.

 దాడిలో చనిపోయిన పొట్టేలు
దాడిలో చనిపోయిన పొట్టేలు

ఇంతకుముందు కూడా చిరుత ఇలాగే గొర్రెల మీద దాడి (జత చేసిన చిత్రం అప్పటిదే) చేసింది. దాంతో గత సెప్టెంబరు నెలలో అటవీ అధికారులు ఏర్పాటు చేసిన బోనులో ఒకటిన్న సంవత్సరం వయసున్న  చిరుత చిక్కడంతో దానిని తిరుపతి జంతుప్రదర్శనశాలకు తరలించారు (http://wp.me/p4r10f-19a). అప్పట్లోనే అధికారులు ఇక్కడ ఇంకో చిరుత కూడా ఉన్నట్లు ప్రకటించి బోనును ఏర్పాటు చేశారు.

అయితే అప్పటి నుండి చిరుత గ్రామం వైపు రాకపోవడంతో బోనులో చిక్కలేదు. ఈ నేపధ్యంలో అధికారులు గండికోటలో ఏర్పాటు చేసిన బోనును తొలగించినట్లు సమాచారం. శుక్రవారం తెల్లవారుజామున గ్రామంలో ఒక రైతుకు చెందిన పొట్టేళ్ళు చిరుత దాడిలో మరణించడంతో గ్రామస్తులు భయపడుతున్నారు. ఈ నేపధ్యంలో గ్రామస్తులు ఇచ్చిన సమాచారం మేరకు శుక్రవారం అధికారులు మళ్ళీ చిరుతను పట్టుకోవటానికి గండికోటలో బోను ఏర్పాటు చేశారు.

ఒకేసారి ఎనిమిది పొట్టేళ్ళు చిరుత దాడిలో చనిపోవడంతో ఒకటి కన్నా ఎక్కువ చిరుతలు ఉండవచ్చునని గ్రామస్తులు అనుమానం వ్యక్తం చేస్తున్నారు.

వన్యప్రాణుల సంరక్షణ చట్టం ప్రకారం వన్యమృగాలను ఎవరైనా చంపితే ఏడేళ్ల జైలు శిక్షతో పాటు రూ. 25లక్షల జరిమానా విధిస్తారు. చిరుత పులుల దాడిలో గొర్రెలను కోల్పోయిన వారు అటవీశాఖ నుండి నష్టపరిహారం పొందే వీలుంది.

ఇదీ చదవండి!

చెల్లునా నీ కీపనులు

చెల్లునా నీ కీపనులు చెన్నకేశా – అన్నమయ్య సంకీర్తన

గండికోట చెన్నకేశవుని స్తుతించిన అన్నమయ్య సంకీర్తన – 2 చెన్నకేశవుని యెడల అపారమైన భక్తిప్రపత్తులు కలిగిన అన్నమయ్య తన కీర్తనలలో …

Leave a Reply

Your email address will not be published. Required fields are marked *

CAPTCHA * Time limit is exhausted. Please reload CAPTCHA.

error: