హోమ్ » సాహిత్యం » కవితలు » రాయలసీమ బిడ్డలం (కవిత) – సొదుం శ్రీకాంత్

రాయలసీమ బిడ్డలం (కవిత) – సొదుం శ్రీకాంత్

అమ్మని ఆదరిచ్చే కమ్మని గోరుముద్దలమైతాం
కొమ్ముగాసి రొమ్ము గుద్దితే పోరుగిత్తలమైతాం
రాగిసంగటి ముద్దలం
రాయలసీమ బిడ్డలం

బందువుగా చూశావా బాహువుల్లో బందిచ్చాం
బానిసగా ఎంచితే పిడిబాకులమై కబళిచ్చాం
రేగటిసేను విత్తులం
రాయలగడ్డ బిడ్డలం

కలిసి నడిచ్చే కారే కన్నీటికి సాచిన దోసిల్లమైతాం
కాదని నమ్మిచ్చి నడ్డిడిచ్చే కారుచిచ్చై దహిచ్చాం
రేపటితరం స్వప్నాలం
రాయలసీమ బిడ్డలం

సాగు నీళ్ళిచ్చి సాగనంపితే సావాసగాళ్ళం ఐతాం
సాగుతున్న దగాని సాగదీచ్చే సానపట్టిన గళాలమై సాగుతాం
రాతిగుండె పిల్లోల్లం
రాయలగడ్డ బిడ్డలం

జై రాయలసీమ….
జై జై రాయలసీమ…

ఇదీ చదవండి!

రాయలసీమ జీవన్మరణ సమస్య

ఇది రాయలసీమ జీవన్మరణ సమస్య

ఇది రాయలసీమ జీవన్మరణ సమస్య రెండు తెలుగు రాష్ట్రాలు కృష్ణా జలాల వినియోగంలో సమస్యలు రాకుండా ఉండడానికి కేంద్ర ప్రభుత్వం …

Leave a Reply

Your email address will not be published. Required fields are marked *

CAPTCHA * Time limit is exhausted. Please reload CAPTCHA.

error: