హోమ్ » సాహిత్యం » సంకీర్తనలు » సింగారరాయుడ వౌదు చెన్నకేశా – అన్నమయ్య సంకీర్తన
సింగారరాయుడ
ప్రొద్దుటూరు చెన్నకేశవుడు

సింగారరాయుడ వౌదు చెన్నకేశా – అన్నమయ్య సంకీర్తన

మాచనూరు చెన్నకేశవుని సంకీర్తనలు – 1

పదకవితా పితామహుడు దర్శించిన క్షేత్రాలు అనేకం కడప జిల్లాలో ఉన్నాయి. ఆయా వైష్ణవ క్షేత్రాలను దర్శించిన అన్నమయ్య అక్కడి క్షేత్రపాలకులను కీర్తిస్తూ సంకీర్తనా గానం చేసినాడు. అటువంటి క్షేత్రాలలో మాచనూరు చెన్నకేశవాలయం ఒకటి. మాచనూరు కడప జిల్లా పెండ్లిమర్రి మండలంలోని ఒక గ్రామం. ఈ ఊరికి మాచనవోలు (మాచన అనే ఆయన కట్టించడం వలన ఈ ఊరు మాచనవోలు అయింది. ఆధారం: మెకంజీ కైఫీయత్తులు-1225-10) అనే పేరు కూడా కలదు.

మాచనూరు చెన్నకేశవుని పైన అన్నమయ్య మూడు సంకీర్తనలు రాసినట్లు డా.శెట్టి శివప్ప గారు తన పరిశోధనా గ్రంధంలో పేర్కొన్నారు.  సింగారరాయుడ వౌదు చెన్నకేశా – అనే ఈ సంకీర్తన అందులో ఒకటి.

రాగము: నాదరామక్రియ
రేకు: 1027-1
సంపుటము: 20-157


‘సింగారరాయుడ …’ సంకీర్తన వినడానికి పైనున్న ప్లే బటన్ నొక్కండి.

సింగారరాయుఁడ వౌదు చెన్నకేశా యింకఁ
జెంగకుమీ మారతుల చెన్నకేశా ॥పల్లవి॥

చిమ్ములచుట్లతోనే చెన్నకేశా మాకు
చిమ్మిరేఁచేవు వలపు చెన్నకేశా
చెమ్మఁజెమటచెక్కుల చెన్నకేశా: మాపైఁ
జిమ్మకు గోళ్ళ నీవు చెన్నకేశా ॥సింగార

సెలవిలేనగవుల చెన్నకేశా:
సెలవనెవు వయసు చెన్న కేశా
చెలఁగి పసిడిదట్టి చెన్నకేశా: యీ-
చెలువము నీకే చెల్లె చెన్నకేశా ॥సింగార

చెప్పరాని మహిమల చెన్నకేశా మాకు
చెప్పిలేమోవి యిచ్చితి చెన్నకేశా
యిప్పుడే శ్రీవేంకటాద్రి నిందు మాచనవోలిలో
చెప్పఁగా నన్నేలితివి చెన్నకేశా ॥సింగార


‘సింగారరాయుడ …’ సంకీర్తన వినడానికి పైనున్న ప్లే బటన్ నొక్కండి.

ఇదీ చదవండి!

కాంతగలనాడు

కాంతగలనాడు యేకాంతములమాట – పెదతిరుమలయ్య సంకీర్తన

తాళ్ళపాక అన్నమయ్య, అక్క(ల)మ్మల (అక్కమాంబ) సంతానమైన పెదతిరుమలయ్య వాళ్ళ నాయన మాదిరిగానే శ్రీ వేంకటేశ్వరుని సేవలో తరించినాడు. తిమ్మయ్య, తిమ్మార్య, …

Leave a Reply

Your email address will not be published. Required fields are marked *

CAPTCHA * Time limit is exhausted. Please reload CAPTCHA.

error: