తెదేపా నాయకులకు కడప జిల్లా ప్రజల ప్రశ్నలు

జిల్లాలో ప్రచారం చేస్తున్న తెదేపా నాయకులకు జిల్లా ప్రజానీకం తరపున కొన్ని ప్రశ్నలు.

1.పోతిరెడ్డిపాడు  నీళ్లన్నీ కడపకు తరలించుకుపోతున్నారంటూ తెదేపా నాయకులు ఆరోపణలు చేసిన విషయం వాస్తవం కాదా?

2.ఆ రోజు తెదేపా తరపున కడప పై అక్కసు వెళ్ళగక్కిన (ఉదా: రేవంత్ రెడ్డి, దేవినేని ఉమ, యనమల రామకృష్ణుడు, ఎర్రన్నాయుడు…) నేతలే ఇవాళ జిల్లాలో ప్రచారం చేయటం విడ్డూరం కాదా?

3.ఆ రోజు కడప జిల్లా అభివృద్ధిని దోపిడీతో పోల్చిన ఈ తెదేపా నాయకులు జిల్లాలో వోటు కోసం రావటం ఎంతవరకు సబబు?

 4.ఆ రోజు తెదేపా తరపున కడప పై అక్కసు వెళ్ళగక్కిన ఈ నాయకులు నేడు కడప జిల్లాలో ఆగిన  అభివృద్దిని గురించి ఒక్క మాట కూడా మాట్లాడటం లేదెందుకు?

5.కడప జిల్లా అభివృద్దిపై మీ వైఖరేంటి?

6.జగన్ తప్పుల పైన లేదా వ్యక్తిత్వం పైన నిర్ణయం తీసుకోగల విచక్షణ ఈ జిల్లా ప్రజలకు ఉంది. జగన్ కాకుండా కడప పై మీ ప్రణాలికలేంటి?

7.కే.సి. కెనాల్ ఆయకట్టును గురించి లేదా అపరిష్కృతంగా ఉన్న సమస్యల పైన మీ తెదేపా వైఖరి ఏమిటి?

8.మైసూరా రెడ్డికి వోటు వేస్తె మీరు ఈ జిల్లా కోసం ఏం చేస్తారు?

కడప జిల్లాలో ఆయా నేతలు పర్యటించటం తప్పు కాదు. అదే సందర్భంలో గతాన్ని జిల్లా ప్రజలమైన మేము అంత వీజీగా మర్చిపోము.

– కడప జిల్లా ప్రజలు