మన పోలీసుకుక్కలకు బంగారు, రజత పతకాలు

కడప: మూడు రాష్ట్రాల పోలీసు డాగ్ స్క్వాడ్‌లకు నిర్వహించిన పోటీల్లో కడప డాగ్‌స్క్వాడ్‌లు మొదటి, రెండవ బహుమతులు దక్కించుకున్నాయి. తెలంగాణలోని రంగారెడ్డి జిల్లా మెయినాబాద్ ఇంటిగ్రేటెడ్ ఇంటిలిజెన్స్ శిక్షణ అకాడమిలో ఈ పోటీలు జరిగినాయి.

తెలంగాణ, అరుణాచల్‌ప్రదేశ్, ఆంధ్రప్రదేశ్ రాష్ట్రాల కుక్కలకు ఈ పోటీలు నిర్వహించారు. కడప జిల్లా కుక్కలు ప్రథమ, ద్వితీయ స్థానాల్లో నిలవడంతో బంగారు, రజత పతకం అందచేశారు. ఈ సందర్భంగా డాగ్‌స్క్వాడ్‌ భాద్యతలు చూసే రామ్మోహన్‌రెడ్డి, శ్రీనివాసులు, పీరయ్య, శివకుమార్‌లను జిల్లా ఎస్పీ నవీన్ గులాఠీ అభినందించారు.