హోమ్ » వార్తలు » ప్రత్యేక వార్తలు » పులివెందులలో ‘అరటి పరిశోధనా కేంద్రం’
అరటి పరిశోధనా కేంద్రం

పులివెందులలో ‘అరటి పరిశోధనా కేంద్రం’

కడప : పులివెందులలో అరటి పరిశోధనా కేంద్రం ఏర్పాటుకు రాష్ట్ర ప్రభుత్వం సిధ్ధమయింది. ఏపీకార్ల్‌లో ఈ పరిశోధనా కేంద్రాన్ని ఏర్పాటు చేయనున్నారు. ఇందుకు సంబంధించి రెండు రోజుల్లో ప్రభుత్వం నుంచి ఉత్తర్వులు వెలువడనున్నాయి. సుమారు 50 ఎకరాల్లో దీనిని ఏర్పాటు చేయనున్నారు. డాక్టర్‌ వైఎస్‌ఆర్‌ ఉద్యాన విశ్వవిద్యాలయం ఆధ్వర్యంలో ఈ పరిశోధనా కేంద్రం పనిచేయనుంది.

ఇక్కడ శాస్త్రవేత్తల ద్వారా అరటిలోని అన్నిరకాలపై పరిశోధనలు చేస్తారు. ఈ ప్రాంతంలో సాగుకు అనుకూలమైన రకం ఏది, తెగుళ్లను తట్టుకోవడంతో పాటు దిగుబడి నాణ్యత పెరిగేందుకు ఏ విధమైన చర్యలు తీసుకోవాలి, తదితర అంశాలపై దృష్టి సారిస్తారు. శాస్త్రవేత్తలు అందుబాటులో ఉండటంతో అరటికి వ్యాపించే తెగుళ్లు, ఇతర సమస్యలకు సత్వరం పరిష్కారం లభించనుంది.

చదవండి :  పోతిరెడ్డిపాడును నిరసిస్తూ అవిశ్వాసం పెట్టిన తెలుగుదేశం

జూన్ 8న (సోమవారం) ముఖ్యమంత్రి హోదాలో తొలిసారిగా జిల్లాకు వస్తున్న వైఎస్‌ జగన్‌మోహన్‌రెడ్డి గండి క్షేత్రంలో ఈ పరిశోధనా కేంద్రానికి సంబంధించి శిలాఫలకం ఆవిష్కరించనున్నారు.

కడప జిల్లాతో పాటు రాయలసీమ జిల్లాలకు చెందిన అరటి రైతులకు ఉపయుక్తంగా ఉండేందుకు ఇక్కడ అరటి పరిశోధనా కేంద్రాన్ని ఏర్పాటు చేస్తున్నారు.

గండిక్షేత్రంలో చేస్తున్న పలు అభివృద్ధి పనులతోపాటు ఈ పరిశోధన కేంద్రానికి కూడా ముఖ్యమంత్రి జగన్‌ భూమిపూజ చేసి శిలాఫలకాలు ఆవిష్కరించనున్నారు. ఈ కేంద్రం కార్యరూపం దాలిస్తే అరటిరైతులకు మంచి ప్రయోజనాలు చేకూరే అవకాశం ఉంది.

చదవండి :  కడపలో విశాలాంధ్ర పుస్తకాల అంగడి

అరటి ఎగుమతులకు జిల్లాలోని పులివెందుల, రైల్వేకోడూరు ప్రసిద్ధి చెందిన ప్రాంతాలు.

ఇదీ చదవండి!

అష్టదిగ్గజాలు

మట్లి (సిద్ధవటం) రాజుల అష్టదిగ్గజాలు

సిద్ధవటం రాజుల అష్టదిగ్గజాలు నా నీతిని వినని వానిని – వానను తడవని వానిని కననురా కుందవరపు కవి చౌడప్పా- …

Leave a Reply

Your email address will not be published. Required fields are marked *

CAPTCHA * Time limit is exhausted. Please reload CAPTCHA.

error: