ఏప్రిల్ 3 నుండి కడపలో పాస్‌పోర్ట్ సేవలు

Sunday, March 26, 2017 ప్రత్యేక వార్తలు, సమాచారం వ్యాఖ్య రాయండి 929 వీక్షణలు

కడపలో పాస్‌పోర్ట్ సేవా కేంద్రం ఏర్పాటు

విదేశాంగ మరియు తపాల శాఖల మధ్య అవగాహనా ఒప్పందం

జిల్లా వాసులకు తిరుపతి పోయే బాధ తప్పనుంది

కడప: ఏప్రిల్ మూడవ తేదీ నుండి కడప జిల్లా వాసులకు స్థానికంగా పాస్‌పోర్ట్ సేవలు అందుబాటులోకి రానున్నాయి. ఇక మీదట నగరంలోని ప్రధాన తపాలా కార్యాలయంలో (హెడ్ పోస్టాఫీసు) పాస్‌పోర్ట్ సేవలు అందిస్తారు. దీంతో జిల్లా వాసులు పాస్‌పోర్ట్ కోసం తిరుపతి లేదా హైదరాబాదు పోవాల్సిన బాధ తప్పుతుంది.

ఏప్రిల్ 3 నుండి పాస్‌పోర్ట్ కోసం దరఖాస్తు చేసుకునే వారు పత్రాల తనిఖీ, గుర్తింపు నమోదును పూర్తిచేసుకునే దానికి పాస్‌పోర్ట్ సేవల వెబ్ సైట్లో కడపను ఎంపిక చేసుకోవచ్చు.

చదవండి : రోంతసేపట్లో కడప విమానాశ్రయ ప్రారంభోత్సవం

పాస్‌పోర్ట్ సేవలు అందించడానికి వీలుగా కడప హెడ్ పోస్టాఫీసులో అవసరమైన మార్పులు చేశారు. ప్రారంభోత్సవానికి ఏర్పాట్లు కూడా ఇప్పటికే పూర్తయ్యాయి. 3వ తేదీన ఈ పాస్‌పోర్ట్ సేవల కేంద్రం ప్రజలకు అందుబాటులోకి రానుంది.

జనవరి 24న కేంద్ర విదేశాంగ మంత్రిత్వ శాఖ మరియు తపాల శాఖల మధ్య జరిగిన అవగాహనా ఒప్పందం మేరకు కడపలో పాస్‌పోర్ట్ సేవల కేంద్రం ఏర్పాటవుతోంది. (ఆధారం: http://www.mea.gov.in/press-releases.htm?dtl/28054/Opening_of_the_first_batch_of_new_Post_Office_Passport_Seva_Kendras)

ఈ ఒప్పందంలో భాగంగా మొదటి విడతగా ఆంధ్రప్రదేశ్ లోని కడప, కర్నూలు నగరాలలో పాస్‌పోర్ట్ సేవా కేంద్రాలను ఏర్పాటు చేసేందుకు తపాల శాఖ ముందుకు వచ్చింది. పోస్టాఫీసుల ద్వారా పాస్‌పోర్ట్ సేవలు అందించే ఈ కేంద్రాలను పీవో పీఎస్కేలుగా వ్యవహరించనున్నారు.

చదవండి : 'శశిశ్రీ'కి పాలగిరి విశ్వప్రసాద్ నివాళి వ్యాసం

****

ఏప్రిల్ మూడవ తేదీ నుండి కడప జిల్లా వాసులకు స్థానికంగా పాస్‌పోర్ట్ సేవలు అందుబాటులోకి రానున్నాయి. ఇక మీదట నగరంలోని ప్రధాన తపాలా కార్యాలయంలో (హెడ్ పోస్టాఫీసు) పాస్‌పోర్ట్ వ్యవహారాలకు సంబంధించిన సేవలు అందిస్తారు. దీంతో జిల్లా వాసులు పాస్‌పోర్ట్ కోసం తిరుపతి లేదా హైదరాబాదు పోవాల్సిన బాధ తప్పుతుంది.

చదవండి : ఏఆర్‌ రెహమాన్‌ కడపకొచ్చినాడు

ఈ ఒప్పందంలో భాగంగా మొదటి విడతగా ఆంధ్రప్రదేశ్ లోని కడప, కర్నూలు నగరాలలో పాస్‌పోర్ట్ సేవా కేంద్రాలను ఏర్పాటు చేసేందుకు తపాల శాఖ ముందుకు వచ్చింది.