హోమ్ » సాహిత్యం » జానపద గీతాలు » కదిరి చిన్నదానా …. జానపదగీతం
అందమైన దాన
యువతి వర్ణ చిత్రము (గూగుల్ నుండి స్వీకరించబడినది)

కదిరి చిన్నదానా …. జానపదగీతం

వర్గం: యాలపాట

పాడటానికి అనువైన రాగం: మాయా మాళవ గౌళ (త్రిశ్ర ఏకతాళం)

కదిరి చిన్నదానా
కదిరేకు నడుముదానా
నిన్నెట్ల మరచుందునే
మరదల మాణిక్యమా ||కదిరి||

నీ సిల్కు సీరెకు
రేణిగుంట్ల రేయికాకు
నిన్నెట్ల మరచుందునే
మరదల మాణిక్యమా ||కదిరి||

నీ సైజు చేతులకు
సైదాపురం గాజులకు
నిన్నెట్ల మరచుందునే
మరదల మాణిక్యమా ||కదిరి||

పులివెందుల పూలాకు
నీ వాలు జడలాకు
నిన్నెట్ల మరచుందునే
మరదల మాణిక్యమా ||కదిరి||

ముద్దనూరి ముద్దులకు
నీ సన్న పెదవులకు
ముద్దెట్ల మరచుందునే
మరదల మాణిక్యమా ||కదిరి||

తిరుపతి పోదాము
తిరుణాల చూపిస్తా
నిన్నెట్ల మరచుందునే
మరదల మాణిక్యమా ||కదిరి||

పాటను సేకరించినవారు: కీ.శే.కలిమిశెట్టి మునెయ్య

ఇదీ చదవండి!

దూరి సూడు

దూరి సూడు దుర్గం సూడు మామా – జానపదగీతం

దూరి సూడు దుర్గం సూడు మామా దున్నపోతుల జాడ జూడు మైలవరమూ కట్టా మీద మామా కన్నె పడుచుల బేరీ …

Leave a Reply

Your email address will not be published. Required fields are marked *

CAPTCHA * Time limit is exhausted. Please reload CAPTCHA.

error: